Ulstein

Linja sin plan for utvikling av nettet på Søre Sunnmøre viser behov for ein ny 132 kV ledning frå Ørsta TS fram til Ulstein TS. Ein naudsynt del av denne planen er etablering av ny 132/22kV Ulstein transformatorstasjon. Den eksisterande transformatorstasjonen i Ulsteinvik har transformering 66/22kV, her ser vi utfordring med omsyn til trafokapasitet og det er lite muligheit for utviding på tomta.

På bakgrunn av dette er vi i gang med å avtale tomt og utarbeide konsesjonssøknad for ny Ulstein transformatorstasjon i industriområdet Saunesmarka utanfor Ulsteinvik, denne skal overta funksjonen til eksisterande Ulstein transformatorstasjon. Den nye stasjonen vil vere utrusta med eit innandørs gassisolert koblingsanlegg som skal knyte saman 132kV linjene mot transformatorstasjonene på Hareidsberget, Håheim og Ryste, og vil ha plass for framtidig utviding.