Tilknyting til nettet

Kor stort er straumbehovet ditt?

Det er litt ulike rutinar etter kor stort straumbehov du har, sjølv om prosessen følgjer dei same stega.

Mindre kundar med tilknyting under 250 A / 100 kW
Ta kontakt direkte med autorisert elinstallatør. For einebustader, hytter og andre mindre prosjekt er det autorisert elinstallatør som søkjer for deg, og tek seg av innmelding om tilknyting.

Store kundar med tilknyting over 250 A / 100 kW
Ved større prosjekt må du bruke Linja sitt innmeldingsskjema som du finn i lenka under. Du må melde inn så tidleg som mogleg. Det er mange saker for tida, og du må rekne med saksbehandlingstid på opp til fire månader.

Større kundar med tilknyting over 1000kW
Då må du leggje fram meir dokumentasjon. Du treng blant anna ei vurdering av mognad (modenhet) for prosjektet. Prosjektet må vere mogen før du får reservere plass i nettet. Sjå meir på Kø, reservasjon og modenhet (fornybarnorge.no).

Prosessen for tilknyting til nettet

Alle nettselskap har tilknytings- og leveringsplikt i sitt nettområde (jf. Forskrift om nettregulering og energimarkedet (NEM) - Kapittel 3. Leverings- og tilknytningsplikt - Lovdata.) Nettselskapa har plikt til å avklare om det er kapasitet til nye tilknytingar, altså å undersøkje om det er tilstrekkeleg overføringskapasitet og akseptabel leveringskvalitet. I samsvar med NEM skal nettselskapa sørgje for markedstilgang for alle som etterspør nettenester, på objektive og ikkje-diskriminerande vilkår. Retten til markedstilgang gjeld både for førespurnader om auka kapasitet frå eksisterande kundar og for nye tilknytingar.

Vidare skal nettselskapa sikre at nye tilknytingar er driftsmessig forsvarlege (DF) å knyte til straumnettet. Linja gjer dette for distribusjonsnettet og regionalnettet som Linja eig, medan Statnett gjer DF-vurderingar smo eigar av det overliggjande transmisjonsnettet.

Linja følgjer prinsippa til Fornybar Norge for driftsmessig forsvarleg vurdering.

1. Søknad
   Søk tidleg. Det tek tid med saksbehandling og gjennomføring. Før du skal søke må du ha informasjonen på plass. Dette gjeld kva det skal søkast om og kvar det her (gardsnummer/bruksnummer). Du kan legge ved kart, situasjonsplan og forklarande tekst. Du må også ha ein plan om maksimal effekt for uttak og/eller produksjon, og om du skal ha fastkraft eller fleksibel tilknyting.
2. Saksbehandling
   Det blir gjennomført ei driftsmessig forsvarleg vurdering etter Fornybar Norge sine prinsipp. Ved første førespurnad blir det vurdert behov for mindre forsterkingsløysingar og kostnad ved tilknyting til nettet. Mindre forsterkingar kan t.d. vere ny nettstasjon i eksisterande nett. Ved behov for større nettforsteringar, kan ei utgreiing av meir omfattande løysingar vere aktuelt. Vidare må du forplikte deg til å dekke kostnadene med utgreiing før vi kan gå vidare.
3. Planlegging
   Etter saksbehandlinga blir den tekniske løysinga prosjektert og planlagd i detalj. Det blir også skrive ein avtale om «anleggsbidrag», altså den delen av dei same kostnadene du som kunde må betale. Avtalen inkluderer også tidsfristar og krav som det er viktig at du set deg inn i.
4. Gjennomføring
   Nødvendige tiltak blir gjort i nettet for å gjere det mogleg å kople deg til med riktig kapasitet.
5. Tilknyting
   Når arbeidet i nettet er utført, kan sjølve tilknytinga skje. Deretter blir straummålarar montert av autorisert installatør og prosjektet er fullført.

Området vårt

Konsesjonsområdet vårt er:

• Vestland: Askvoll, Bremanger, Gloppen, Kinn, Stad, Stryn og delar av Sunnfjord
• Møre og Romsdal: Fjord, Giske, Hareid, Herøy, Sande, Sula, Stranda, Ulstein, Vanylven, Volda, Ørsta og delar av Ålesund

I tillegg er Linja nettutviklingskoordinator i desse kommunane:

• Vestland: Aurland, Fjaler, Hyllestad, Lærdal, Sogndal, Solund, Vik, Årdal, Høyanger nord for Sognefjorden og resten av Sunnnfjord
• Møre og Romsdal: Haram, Sykkylven, Vestnes og resten av Ålesund

I dag er det avgrensa kapasitet i store delar av kommunane Giske, Hareid, Herøy, Sande, Sula, Ulstein, Volda, Ålesund og Ørsta kommunar. Det er også utfordringar i Fjord, Stranda, Stryn, Vanylven og regionalnettet i Vestnes. Det kan også vere utfordringar andre stader i nettet, særleg for større utbyggingar.