Berekraft
Vårt arbeid er nødvendig for at Noreg skal nå våre klimamål. Ei elektrisk framtid krev eit trygt, stabilt og omfattande straumnett. Det må vi bygge ut og drive på ein måte som er så skånsom som mogleg for klima, natur og lokalsamfunn.
Om oss
>
Berekraft
I Linja arbeider vi med alle dei ulike aspekta av berekraftsmåla. Vi arbeider aktivt i lokalsamfunna vi er ein del av, på vår eigen arbeidsplass og gjennom innovasjon og utvikling av straumnettet med å skape ei meir berekraftig verd.
Rein energi til alle
Kraftlinjene sørgjer for rein energi til heimar og bedrifter i vår region. Vi legg også til rette for at privatpersonar/bedrifter som brukar for eksempel solceller, kan bidra med overskotsenergi på nettet.
Berekraftige byar og lokalsamfunn
Drift og utvikling av straumnettet er eit viktig grunnlag for berekraftige byar og lokalsamfunn i vårt område.
Industri, innovasjon og infrastruktur
Gjennom å bygge ut, vedlikehalde og utvikle straumnettet legg vi til rette for nytt og eksisterande næringsliv. Vi driv grunnleggande infrastruktur for å sikre innovasjon for framtida.
Likestilling mellom kjønna
Linja er ein arbeidsplass som er open for både kvinner og menn. Vi arbeider med utgangspunkt i likelønn, og arbeider for eit mangfaldig arbeidsmiljø.
Anstendig arbeid og økonomisk vekst
Vi rapporterer kvart år etter openheitslova, og arbeider med gode arbeidsvilkår for eigne tilsette og i selskap vi kjøper tenester av eller samarbeider med.
Ansvarleg forbruk og produksjon
Gjennom opplysing og tiltak for å fordele straumforbruket gjennom heile døgnet får vi brukt kapasiteten i nettet betre. Vi har også omfattande program for sortering, materialgjenvinning og retur av materiell vi brukar i eiga verksemd.
