Vi harmoniserer pris og metodikk for reaktivt uttak

Bakgrunn og behov for endring

Reaktiv energi belastar straumnettet utan å gjere direkte arbeid i anlegget, som å drive lys eller maskiner. Sjølv om det ikkje påverkar energiforbruket ditt direkte, fører det til meir tap og mindre ledig kapasitet i nettet. For å fordele kostnadar rettferdig og oppmuntre til lågare reaktivt uttak, endrar vi frå nyttår måten vi reknar ut kostnaden på og innfører tariffen likt i heile nettet vårt.

Kva går endringa ut på

Frå 1. januar 2026 blir det innført ei grense: du kan bruke reaktiv effekt tilsvarande inntil 33 % av aktiv effekt i den timen med høgast forbruk kvar månad – utan ekstra kostnad. Går uttaket over denne grensa, vert berre det overskridande uttaket avrekna, ikkje heile mengda.

Kva betyr dette for deg

Dei fleste kundane våre som har reaktiv tariff i dag, har eit reaktivt uttak som ligg under grensa på 33 %. Desse vil ikkje få ekstra kostnad. Dersom uttaket ditt går over grensa i ein månad, vil du berre bli fakturert for det som overstig grensa. Endringa gjeld ikkje hushaldskundar eller andre med lågt forbruk.

Laste gjerne ned vår steg-for-steg-rettleiar for sjekk av eigne anlegg her.