Eigenberedskap ved straumbrot

Eigenberedskap ved straumbrot – slik kan du ta vare på deg sjølv og dei rundt deg.

Vi leve i ei tid med forverra tryggleikspolitisk situasjon i Europa, aukande ekstremvêr og eit samfunn som er stadig meir avhengig av straum og mobilnett. I tilleg har vi grunnleggande behov for mat og vatn. Det er viktigare enn nokon gong å vere forberedt på kriser. Som straumnettsselskap ønskjer vi å bidra med råd og informasjon om korleis du kan sikre dei mest grunnleggjande behova dersom straumen går.

Kvifor eigenberedskap?

Direktoratet for samfunnstryggleik og beredskap (DSB) tilrår at alle husstandar bør kunne klare seg sjølve i minst éi veke ved kriser. Dette gir naudetatar og kommunar høve til å prioritere dei som treng mest hjelp. Eigenberedskap handlar om å vere rusta til å dekke behov for varme, lys, drikke, mat, legemiddel, førstehjelp, hygiene og informasjon.

Slik held du varmen ved straumbrot

I mange bustader er straum den einaste varmekjelda. Ved straumbrot om vinteren kan det fort bli kaldt og mørkt inne. Du bør derfor ha:

• Varme klede, pledd, dyne eller sovepose
• Stearinlys og fyrstikker eller lighter
• Lommelykt eller hovudlykt – hugs ekstra batteri
• Alternativ oppvarming som vedomn, gass- eller parafinomn godkjend for innandørs bruk

Har du alternativ oppvarming og kjenner nokon som ikkje har det? Vurder om du kan tilby dei å kome til deg ved ei krise. Har du ikkje sjølv alternativ oppvarming – avtal med familie eller vener om du kan vere hos dei ved langvarig straumbrot.

Drikkevatn og mat

Lagre minst 20 liter drikkevatn per person. Vatn kan lagrast i reingjorde flasker på ein mørk og kjøleg stad. Ha matvarer med lang haldbarheit som kan lagrast i romtemperatur og tilberedast utan straum – til dømes på stormkjøkken eller gassbluss.

Legemiddel, hygiene og førstehjelp

Sørg for å ha nødvendige medisiner, førstehjelpsutstyr og hygieneartiklar som våtserviettar, antibac og toalettpapir. God hygiene er viktig, særleg dersom vatnet forsvinn.

Informasjon og kommunikasjon

Ved kriser er det viktig å ha tilgang til offisiell informasjon. Følg med på:

• Straumbrotskartet på linja.no – her finn du oppdatert status ved straumbrot
• NRK P1, nødvarsel på mobil og Sivilforsvarets tyfonanlegg

Dersom du opplever straumbrot som ikkje er markert på kartet – ta kontakt med oss. Du kan ringe, sende e-post, chatte eller bruke kontaktskjemaet på nettsida vår.

Har du mista straumen? Sjekk dette først

Dersom du opplever straumbrot der du bur, er det viktig å gjere nokre enkle sjekkpunkt før du tek kontakt: