55 000 kundar i Linja sitt område har valt noregspris
Stadig fleire kundar i Linja sitt område har valt noregspris gjennom 2026. Ved utgangen av oktober hadde 55 148 kundar valt ordninga. No nærmar den første avtaleperioden seg slutten, og alle som ønskjer noregspris i 2027, må bestille på nytt.
Då noregspris vart innført 1. oktober 2025, hadde kundane i NO3 ikkje den same historikken med svært høge straumprisar som kundar lenger sør i landet. Gjennom 2026 har prisnivået i periodar vore høgare, samtidig som stadig fleire av kundane våre har valt noregspris.
Ved utgangen av oktober hadde 55 148 kundar i Linja sitt område noregspris. Det svarar til:
60,3 prosent av hushaldningane
56,8 prosent av fritidsbustadene
Grafen viser korleis talet på avtalar har utvikla seg sidan ordninga vart innført, og kor stor del av dei om lag 92 000 aktuelle målepunkta som no har noregspris.
Alle må bestille på nytt for 2027
Dagens avtalar om noregspris går ut 31. desember 2026. Ønskjer du noregspris vidare i 2027, må du bestille på nytt. RME opplyser at det vert opna for bestilling 5. januar 2027. Bestiller du mellom 5. og 14. januar, vil avtalen gjelde frå 1. januar. Det betyr at du ikkje går glipp av noregspris dei første dagane av året. I framlegget til statsbudsjettet er prisen for 2027 foreslått til 56,25 øre/kWh inkl. mva. Endeleg pris er enno ikkje fastsett.
Du treng ikkje gjere noko enno
Bestilling for 2027 opnar først 5. januar. Fram til då treng du ikkje gjere noko. Vi oppdaterer informasjonen på linja.no når dei endelege vilkåra og bestillingsløysinga for 2027 er klare.
Les meir om noregspris og korleis du bestiller på linja.no/norgespris.